Jorge Pueyo ye un choven avogau de Fonz que, dos días a la semana, fa lo suyo “Noticiario matinal aragonés” a Twitter y Instagram. En o suyo zaguer notiziario de o 29 de marzo va charrar d’una notizia tetulada “Qué se puede plantar en Aragón este mes de abril” adibindo una buena ripa d’instruzions y parolas que parexeban feitas aldredes pa lo nuestro Plantero, asinas que mos ha feito goi trascribir-ne:

“Soz neorrurals? No sabez qué pllantar? No sabez one se pllanta? Pos mira, yo tos digo. Lo primero, se pllanta a tierra. Cal ruixar-lo una miqueta. Y qué podez pllantar? Ensalada, esquerola, carbaza, carbazeta, pepino, borraina, zebolla, verdura, pimiento… y de fruitas, sandía y fragas. Tos dixo aquí. Per si el queriz.”

Lo trestallo se puede viyer a esprés en o vidio (a Instagram u Twitter) entre os menutos 1:00 y 1:20).

P.D. Bel día dimpués, Jorge puyó un twit pa reutificar una parola qu’eba dito en o notiziario: “Me va trafucar, on digo “SANDIA” pensaz que digo “MELÓN D’AIGUA” que é cómo se dice en aragonés i como li diva el yayo. Watermelon pa es amigos.”

Plantero de Parolas de l’Ortal