Os arbols (y todas as plandas en cheneral) tienden á crexer d’una traza que podría parixer caotica. Os arbols frutals tamién sacan mas tajas que s’amenistan. Lo ideyal ye que o sol dentre por toz os puestos pa que as fuellas faigan a suya funzión y os fruitos maduren bien. Tamién ye important que li vague de correr l’aire pa que no aiga un eszeso d’umedat que prevoque enfermedaz. Pa aconseguir-lo, cal sacar tajas y tajetas pa aclariar.

Antismás, solo que con sierras. Dimpués con estixeras manuals y ahora con estixeras electricas u con compresor. O motosierra treballa á estajo en os arbols que no s’esclavan cada añada.

As tajas valen como leña pa la casa y cal portiar-la de o campo. Si no, se creman y as zenisas s’esparden amán de os arbols pa aproveitar os minarals que enquedan. Una traza mas ecoloxica d’esfer-se de tot iste volumen de burrufalla ye triturar-la y espardir as virutas pa que s’asimilen. Asinas, ni se produze CO2, ni calor. Antimás, os microorganismos siguen vivos y siguen reproduzindo-sen en tierra.

Chan Baos (Murillo de Galligo)